کراچی(رپورٹنگ آن لائن)جون کے مہینے میں برآمدات سے1 ارب 59کروڑ ڈالر زرمبادلہ حاصل ہوا، جو گزشتہ ماہ کے مقابلے ساڑھے 14 فیصد زائد ہے۔ قومی ادارہ برائے شماریات کے مطابق سال 2019-20 کے دوران مجموعی ملکی برآمدات کی مالیت 21ارب 39کروڑ ڈالر ریکارڈ کی گئی، اس دوران مجموعی طور پر 44ارب 57کروڑ ڈالر درآمدات پر خرچ ہوئے، تاہم اس میں گزشتہ سال کی نسبت ساڑھے 18 فیصد کمی ہوئی۔جبکہ جون کے مہینے میں درآمدات کی مالیت 30فیصد اضافے سے 3ارب 71کروڑ ڈالر رہی۔
