راولپنڈی (ر پورٹنگ آن لائن)پاک فوج کے سربراہ جنرل قمر جاوید باجوہ نے سلیمانکی سیکٹر اور بہاولنگر گریژن کے دورے کے دور ان جوانوں کی آپریشن تیاریوںاور عزم کو سراہتے ہوئے کہا ہے کہ بڑے پیمانے پر خطرے سے نمٹنے کیلئے صلاحیتوں کو مزید نکھارنا چاہیے۔جمعرات کو آئی ایس پی آر کے مطابقآرمی چیف جنرل قمرجاوید باجوہ نے سلیمانکی سیکٹر اور بہاولنگر گریژن کادورہ کیا۔سلیمانکی آمد پرکورکمانڈرلیفٹیننٹ جنرل خالد ضیا ء نے استقبال کیا۔
پاک فوج کے شعبہ تعلقات عامہ نے بتایا کہ آرمی چیف کو آپریشنل تیاریوں کے متعلق بھی آگاہ کیا گیا۔آرمی چیف نے جوانوں کی آپریشنل تیاریوں اور عزم کو سراہا۔ ہیوی میکنائزڈ بریگیڈ کے جوانوں کی جنگی مشقیں بھی دیکھیں۔انہوں نے جوانوں کی تربیتی، حربی تیاریوں اور صلاحیتوں پراظہاراطمینان کیا۔ جنرل باجوہ نے کہا کہ بڑے پیمانے پر خطرے سے نمٹنے کیلئے صلاحیتوں کو مزید نکھارنا چاہیے۔
