اسلام آباد (رپورٹنگ آن لائن) وزیراعظم عمران خان نے کہا ہے کہ اپنی سیاست چمکانے کے لئے اداروں پر انگلیاں اٹھانے والے کسی قیمت پرجمہوریت کے علمبردارنہیں ہوسکتے، جمہوریت کی مضبوطی کےلئے اداروں کا مضبوط ہونا اہم ہے۔
پیر کو وزیراعظم عمران خان سے ان کے مشیر برائے پارلیمانی امور ڈاکٹر بابر اعوان نے اسلام آباد میں ملاقات کی جس میں ملک کی سیاسی صورتحال، آئینی، قانونی اور پارلیمانی امور سے متعلق تبادلہ خیال کیا گیا۔ اس موقع پر وزیراعظم عمران خان نے کہا کہ جمہوریت کی مضبوطی کےلئے اداروں کا مضبوط ہونا اہم ہے، اپنی سیاست چمکانے کے لئے اداروں پر انگلیاں اٹھانے والے کسی قیمت پرجمہوریت کے علمبردارنہیں ہوسکتے، ریاست کے تمام ستون اپنے دائرہ کار میں رہ کرملکی ترقی کیلئے کام کررہے ہیں۔
اس موقع پر ڈاکٹر بابراعوان نے معاشی استحکام اور کورونا سے بچا کی حکومتی پالیسیوں کو حکومت کی اہم کامیابیاں قرار دیتے ہوئے کہا کہ اندھیرے فروشوں کا پاکستان میں اب کوئی مستقبل نہیں۔
