لاہور(رپورٹنگ آن لائن)این اے 133کے ضمنی الیکشن کے معاملے پرپی ٹی آئی کے امیدوار جمشید اقبال چیمہ اور مسرت جمشید اقبال چیمہ کی اپیل خارج کرنے کے حوالے سے الیکشن ٹریبونل نے تفصیلی فیصلہ جاری کر دیا،جسٹس شاہد جمیل خان نے بطور الیکشن ٹریبونل 12 صفحات پر مشتمل تفصیلی فیصلہ جاری کر دیا،
پی ٹی آئی کے امید وار جمشید اقبال چیمہ اور ان کی اہلیہ مسرت جمشید اقبال چیمہ نے کاغذات مسترد ہونے کے خلاف اپیل کی تھی،لاہور ہائی کورٹ کے الیکشن ایپلٹ ٹربیونل نے اپیلیں خارج کرنے کے تفصیلی فیصلے میں کہا کہ ٹربیونل سپریم کورٹ کے طے شدہ اصولوں کی تشریح نہیں کر سکتا،تفصیلی فیصلے میں الیکشن ایپلٹ ٹربیونل کی جانب سے کہا گیا ہے کہ اپیل کنندگان کے وکیل کے مطابق تجویز کنندہ کا تعلق حلقہ این اے 133سے ہی ہے، اپیل کنندہ کے وکیل کے مطابق ووٹر لسٹ حاصل کرنے کے بعد کاغذاتِ نامزدگی مکمل کیئے گئے،
تفصیلی فیصلے میں کہا گیا ہے کہ الیکشن کمیشن کے وکیل کے مطابق کاغذاتِ نامزدگی میں قانونی تقاضے مکمل نہیں کیئے گئے، الیکشن ایکٹ 2017 کے تحت ٹربیونل کے اختیارات محدود ہیں، جمشید اقبال چیمہ اور مسرت جمشید اقبال چیمہ کی اپیل خارج کی جاتی ہے۔
