لاہور(رپورٹنگ آن لائن)پاکستان پیپلزپارٹی کے چیئرمین بلاول بھٹو زرداری نے کہا ہے کہ جب جیالے میدان میں آتے ہیں تو سب میدان چھوڑ کر بھاگ جاتے ہیں، ، پیپلزپارٹی ملک کے عوام کو عمران خان کی نااہلی کے رحم و کرم پر نہیں چھوڑسکتی۔
ان خیالات کا اظہار انہوں نے پیپلز پارٹی خیبرپختونخوا ہ کے صدر ہمایوں خان سے ملاقات کے موقع پر گفتگو کرتے ہوئے کیا ۔ اس موقع پرسیاسی صورتحال اور پارٹی امور کے حوالے سے تبادلہ خیال کیا گیا ۔خیبرپختونخوا ہ کے صدر ہمایوں خان نے پارٹی چیئرمین کو پی ٹی آئی کی صوبائی حکومت کے حوالے سے بھی بریفنگ دی ۔
بلاول بھٹو نے کہا کہ خیبرپختونخوا ہ کے جیالوں کو ہر طرح کی صورت حال کے لئے تیار رہیں۔ جب جیالے میدان میں آتے ہیں تو سب میدان چھوڑ کر بھاگ جاتے ہیں۔
