اسلام آباد (رپورٹنگ آن لائن)وزیر داخلہ شیخ رشید احمد نے ایک بار پھر واضح کیا ہے کہ جب تک کشمیر پر قبضہ ختم نہیں ہوتا تب تک بھارت سے تجارت نہیں ہو سکتی،پی ڈی ایم ٹھس ہو گئی ہے،
اپوزیشن ایک دوسرے کو ہی نوٹس دے رہی ہے، پی پی اور ن لیگ الگ الگ راستے پر چل پڑی ہیں، پیپلز پارٹی، مسلم لیگ کی سیاست میں تبدیلی سے عمران خان کو فائدہ ہوگا، کوئی آر پار نہیں ہو رہا،پی ڈی ایم چھ ماہ اور تیاری کرے،وزیر اعظم مریم نواز کو کسی صورت ملک سے باہر نہیں جانے دینگے ،تحریک لبیک سے معاہدہ ہے ، وزیراعظم سے مل کر قومی اسمبلی میں ڈرافٹ لے کر جائینگے،جہانگیر ترین کے نہیں صرف عمران خان کے قریب ہوں۔ اتوار کو یہاں میڈیا سے گفتگو کرتے ہوئے وزیر داخلہ نے کہاکہ ڈبلیو ایچ او کو شکر گزار ہوں،20 موٹر سائیکلز اور دو ایمبولینسز وزارت داخلہ کے حوالے کی گئی ہیں۔
شیخ رشید احمد نے کہاکہ ہم نے کرونا کی دو لہروں کا سامنا کیا ہے اور بہترین حکمت عملی سے مقابلہ کیا،اسلام آباد میں ایمبولینسز کی صورتحال کچھ اچھی نہیں ہے،ہم جلد ایگل اسکوارڈز سمیت دیگر اسکوارڈز کو اسلام آباد میں لا رہے ہیں۔انہوںنے کہاکہ وزیراعظم نے زبردست کام کیا اور عوام کے سوالات کے جوابات دیئے ہیں۔انہوںنے کہاکہ چھوٹے چھوٹے مسئلوڈ کو سن کر عوام کی حوصلہ افزائی ہوئی ، وزیر اعظم کو ہفتے میں ایک بار عوام کی کالز سننی چاہئیں ۔ انہوںنے کہاکہ اسلام آباد میں کرونا تیزی سے پھیل رہا ہے۔
ایک سوال پر انہوںنے کہاکہ اپوزیشن ایک دوسرے کو ہی نوٹس دے رہی ہے،اسلام آباد کا موسم اچھا ہے آج یہاں کوئی اپوزیشن نہیں ہے،کہتا تھا یہ اسلام آباد نہیں آئے گے، آپ لوگ نہیں مانتے تھے۔ انہوںنے کہاکہ مولانا اور مریم کو اللہ پاک صحت دے۔شیخ رشید نے کہاکہ عمران خان نے کہا ہے کہ کابینہ نے کام کرنا ہے، شیخ رشید نے کام کرنا ہے،وزیراعظم بنیادی چیزوں کو رمضان میں خود دیکھیں گے۔
انہوںنے کہاکہ سورج مغرب سے نکل سکتا ہے جب تک کشمیر پر قبضہ ختم نہیں ہوتا تب تک بھارت سے تجارت نہیں ہو سکتی،مقبوضہ کشمیر کے کشمیری کا پسینہ بہئے گا پاکستانی کا خون بہائے گا۔ انہوںنے کہاکہ پی ڈی ایم ٹھس ہو گئی ہے۔پی پی اور ن لیگ الگ الگ راستے پر چل پڑی ہیں۔ انہوںنے کہاکہ تحریک لبیک سے معاہدہ ہے ، وزیراعظم سے مل کر قومی اسمبلی میں ڈرافٹ لے کر جائینگے۔ وزیر داخلہ نے کہاکہ مہنگائی کے خلاف کریک ڈاون شروع ہو گا اور چور سارے اندر جائیں گے۔ انہوںنے کہاکہ باڈرز مینجمنٹ پر دونوں طرف سے جرنیل اگر مل کر کہیں کہ گولہ باری نہیں کریں گے تو اچھی بات ہے۔
ایک سوال پر انہوںنے کہاکہ ای سی ایل سے نام نکالنے کے لیے مریم نواز کی کوئی درخواست نہیں آئی،عمران خان سے پوچھا کہ مریم نواز کی درخواست آئے ای سی ایل سے نام نکالنے کی تو وزیراعظم نے صاف انکار کر دیااور مریم نواز کو کسی صورت باہر نہیں جانے دینگے ۔ انہوںنے کہاکہ ایف آئی اے کو بنیادی تبدیلیاں لانے جا رہے ہیں،منی لانڈرنگ، احتساب کے کیسز کو شہزاد اکبر دیکھ رہے ہیں ، وفاقی وزیر نے کہاکہ جہانگیر ترین کے قریب نہیں صرف عمران خان کے قریب ہوں،مجھ سے جہانگیر ترین نے کوئی رابطہ نہیں کیا۔ انہوںنے کہاکہ آصف زرداری چھاتی کے ساتھ لگا کر تاش کھیلتا ہے۔ انہوںنے کہاکہ کوئی آر پار نہیں ہو رہا،پی ڈی ایم والے چھ ماہ اور تیاری کریں،لاہور کے جلسے کے بعد پی ڈی ایم ٹھس ہو گئی
