ممبئی (رپورٹنگ آن لائن)اداکار و پروڈیوسر جان ابراہم نے اپنی آنے والی فلم ‘دی ڈپلومیٹ’ کا پوسٹر جاری کردیا، فلم 7مارچ 2025ء کو ریلیز ہوگی۔
جان ابراہم نے سوشل میڈیا پر اس فلم کا پہلا پوسٹر شیئر کرتے ہوئے لکھامجھے یہ کہانی زندگی کی حقیقتوں اور جرات کی تصویر بنانے کا اعزاز حاصل ہے۔فلم کی کہانی سچے واقعہ سے متاثر ہے جس میں جان ابراہم ایک اہم حکومتی افسر کا کردار ادا کریں گے۔ فلم کو مادرا سکیف اورپارمانوجیسے جیو پولیٹیکل تھرلر فلموں کے طرز پر پیش کیا جائے گا۔
دی ڈپلومیٹ کی ہدایت کاری کا کام معروف ہدایتکار شیوام نائر نے کیا ہے، اور اس کا اسکرپٹ رائتیش شاہ نے لکھا ہے۔ اس فلم کو ٹی سیریز اور جان ابراہم کی کمپنی جے اے انٹرٹینمنٹ کے ساتھ مل کر پروڈیوس کیا گیا ہے۔
جان ابراہم کے مداحوں کو اس فلم کا شدت سے انتظار ہے، کیونکہ اس میں ایکشن، تھرل اور ڈرامہ کا خوبصورت امتزاج دیکھا جائے گا۔ اس کے علاوہ، جان ابراہم کی تہران بھی جلد ریلیز ہونے والی ہے، جس میں وہ منوشی چِلار کے ساتھ سکرین شیئر کریں گے۔
