ممبئی (رپورٹنگ آن لائن) اسلام کی خاطر بالی ووڈ سے کنارہ کشی اختیار کرنیوالی سابق بھارتی اداکارہ ثنا خان کی بیٹے کیساتھ پہلی ویڈیو وائرل ہوگئی۔ثنا خان نے انسٹاگرام پر نومولود بیٹے کے ساتھ اپنی خوبصورت ویڈیو شیئر کی ہے۔
ویڈیو میں دیکھا جاسکتا ہے کہ ثنا خان کے شوہر مفتی انس نے نومولود بیٹے کا استقبال کرنے کیلئے گھر کو نیلے اور سفید رنگ کے غباروں سے بہت خوبصورت انداز میں سجایا ہے۔انہوں نے ویڈیو شیئر کرتے ہوئے لکھا کہ ہمارے جگر کے ٹکڑے کا پرتپاک استقبال ہوا۔
انہوں نے شوہر سے مخاطب ہوتے ہوئے لکھا کہ مفتی انس اس خوبصورت سرپرائز کیلئے جزاک اللہ خیر ،لیکن میں حیران ہوں کہ آپ نے یہ سارا انتظام خود کیا۔ ثنا خان کی ویڈیو کو سوشل میڈیا صارفین بہت پسند کررہے ہیں اب تک ویڈیو 3لاکھ سے زائد لوگ لائیک کرچکے ہیں۔
