کراچی(رپورٹنگ آن لائن)گورنر سندھ کامران خان ٹیسوری نے کہا ہے کہ تعلیم، صحت، روزگار اور سڑکوں کی سہولت ہر شہری کا حق ہے۔ہمیں نئی نسل کی ایسی تربیت کرنی ہے جو دوسروں کے احترام کا جذبہ رکھے۔
پاکستان کو آزاد ہوئے 77 برس بیت گئے، مگر عوامی مسائل آج بھی برقرار ہیں۔ ان خیالات کا اظہار انہوں نے نارتھ کراچی سیکٹر 11ـاے ۔ معرکہ حق، جشن آزدی کی مناسبت سے منعقدہ شجر کاری کی تقریب سے خطاب کرتے ہوئے کیا۔شجرکاری مہم میں ایم کیو ایم پاکستان کے سینئر مرکزی رہنماء ڈاکٹر فاروق ستار، انیس قائمخانی، منتخب نمائندوں و دیگر معززین علاقہ شریک تھے۔ گوررسندھ کی آمد پر شہریوں نے پھولوں کی پتیاں نچھاور کر کے پرتپاک استقبال کیا۔معرکہ حق۔
جشن آزادی کی مناسبت سے گورنر سندھ نے شجرکاری مہم میں شرکت کی اورپودا لگا کر مہم کو جاری رکھنے کی تلقین بھی کی۔بزرگوں اور نوجوانوں کی بڑی تعداد نے قومی جذبے سے شجرکاری مہم میں بھرپور حصہ لیا۔گورنرسندھ نے مزید کہا کہ ملک کی ترقی مشترکہ کوششوں سے ہی ممکن ہے، ہر فرد کو اپنا کردار ادا کرنا ہوگا۔
انہوں نے کہا کہ ووٹ ایک قومی امانت ہے، اسے باشعور انداز میں استعمال کریں۔انہوں نے کہا کہ ایسے نمائندے کو ووٹ دیں جو عوام کا احترام کرے اور مسائل حل کرے۔ انہوں نے کہا کہ شہریوں کے حقوق کے لیے ہر فورم پر آواز بلند کرتا رہوں گا۔گورنر سندھ نے شہریوں کے ہمراہ جشن آزادی کا کیک کاٹا۔ تقریب کا اختتام شاندار آتش بازی سے ہوا۔
