لاہور (رپورٹنگ آن لائن ) مسلم لیگ ن کے رہنما و اپوزیشن لیڈر پنجاب اسمبلی حمزہ شہباز شریف نے تبدیلی کا اصل چہرہ سامنے آنے پر لوگوں کے ہوش اڑ جائیں گے۔
حمزہ شہباز شریف نے فارن فنڈنگ اسکروٹننی کمیٹی کی رپورٹ پر اپنے بیان میں کہاکہ تہلکہ خیز رپورٹ میں تصدیق ہو گئی کہ پی ٹی آئی نے غیر ملکی شہریوں اور کمپنیوں سے فنڈز حاصل کیے، فنڈز کو کم دکھایا اور درجنوں بینک اکاونٹس چھپائے۔
انہوں نے کہاکہ پچھلے سات سالوں سے ان تحقیقات کو رکوانے کی تگ و دو میں مصروف عمران خان کے کارنامے قوم کے سامنے آنا شروع ہو گئے ہیں ,دوسروں پر من گھڑت الزامات عائد کرنے والوں کے خلاف مستند رپورٹ چوری ، خرد برد اور مشتبہ ذرائع سے فنڈنگ کی نشاندہی کرتی ہے, اس ہیر پھیر کی تہہ تک پہنچنا اشد ضروری ہے قوم کے سامنے حقائق آنے چاہئیں, یہ فراڈ کروڑوں سے شروع ہوا ہے اور اربوں روپے تک جائے گا ۔
