اسلام آباد(رپورٹنگ آن لائن ) پاکستان پیپلز پارٹی کی سینئر رہنما اور سینٹر شیر ی رحمان نے حکومت کی جانب سے گندم خریداری کے منصوبے پر ردعمل دیتے ہوئے کہا ہے کہ تباہی سرکار 1.2 ڈالربلین کی گندم درآمد کرنے کی منصوبہ بندی کر رہی ہے۔
سماجی رابطوں کی ویب سائٹ ٹوئٹر پر اپنے ایک ٹویٹ میں شیری رحمان کا کہنا تھا کہ پی ٹی آئی مافیا اربوں روپے کمانے کے لئے ضروری اشیائے خوردونوش کی ذخیرہ اندوزی کررہی ہے۔ چونکانے والی بات ہے کہ تباہی سرکار 1.2 ڈالربلین کی گندم درآمد کرنے کی منصوبہ بندی کر رہی ہے۔
ایک اورپیغا م میں انہوں نے کہا کہ ملک بھر میں گندم کی کٹائی ابھی مکمل ہوئی ہے، مئی میں گندم درآمد کرنے کا مطلب ملک میں پورا سال گندم بحران رہے گا۔ ابھی مقامی گندم کی مارکیٹ میں رسائی یقینی بنائی جاتی۔ غذائی درآمدی بل اس سال 55 فیصد بڑھ کے 6.12 بلین ڈالر تک پہنچھا ہے جس کی بنیادی وجہ چینی اور گندم کی درآمد ہے۔
