لاہور(رپورٹنگ آن لائن )لاہور ہائیکورٹ نے بیوروکریٹس اور پولیس افسران کی جانب سے سوشل میڈیا کے استعمال کے حوالے درخواست پر چیف سیکرٹری پنجاب کو آئندہ سماعت پر طلب کر لیا اور پنجاب حکومت سے بھی اس بابت تحریری وضاحت طلب کر لی گئی ہے۔
لاہور ہائیکورٹ کے جسٹس احمد ندیم ارشد نے درخواست پر سماعت کی ۔دائر درخواست میں کہا گیا کہ سوشل میڈیا کے ذریعے پولیس افسران اور بیوروکریٹس ذاتی تشہیر کرتے ہیں۔
درخواست میں عدالت سے استدعا کی گئی کہ پولیس اور بیوروکریٹس پر سوشل میڈیا کے استعمال پر پابندی کا حکم جاری کیا جائے۔
