لاہور( رپورٹنگ آن لائن)سینئر اداکارہ فضیلہ قاضی نے کہا ہے کہ بچوں کی اچھی تعلیم تربیت کی ذمہ داری والدین کے سوا کوئی اورنہیں نبھا سکتا ،میرے خیال میں بچے ہی ترجیح ہونے چاہئیں کیونکہ یہی آپ کااثاثہ ہوتے ہیں ۔
ایک انٹر ویو میں فضیلہ قاضی نے کہا کہ بطور والدین ہم نے اپنے بچوں کی دینی اور دنیاوی تعلیم پر بھرپور توجہ مرکوز کی اور خدا کی ذات نے نیک اولاد کی صورت میں ہمیں اس کا ثمر دیاہے ۔ انہوںنے کہاکہ شوبز اور گھریلو زندگی میں توازن رکھنا آسان کام نہیںہوتا لیکن آپ پر عزم ہیں تو پھر یہی کوئی مشکل کام نہیں ۔
انہوںنے کہا کہ میاں بیوی ایک دوسرے سے احترام کے ساتھ پیش آئیں تو بچوں پر بھی اس کے مثبت اثرات مرتب ہوتے ہیں اوراگر اس کے برعکس رویہ ہوگا تو بچوں کے ذہن پر بھی منفی اثرات ہوںگے۔
