اسلام آباد (رپورٹنگ آن لائن)وزیراعظم کے مشیر رانا ثناء اللہ نے کہا ہے کہ بچر آف گجرات مسلمانوں کا دشمن ہے، پاکستان نے جو بھی کیا وہ مؤثر دفاعی حکمت عملی کے تحت کیا۔
نجی ٹی وی سے گفتگو کرتے ہوئے رانا ثناء اللہ نے کہا کہ بھارت نے جھوٹ اور فریب کا رویہ اپنایا،جھوٹ اور افراتفری پھیلانے کی کوشش کی۔ انہوں نے کہا کہ ببھارت نے رات میں میزائل حملہ کیا، ہم نے اجالے میں بھرپور جواب دیا، بھارت کو سمجھ ہونی چاہئے کہ اگر وہ یہی روش رکھے گا تو ہماری طرف سے بھی جواب دیا جائیگا۔
انہوں نے کہا کہ ہم نے انہی مقامات پر میزائل داغے جہاں سے پاکستان پر حملے ہوئے، ہم نے پہلگام واقعے پر ہر قسم کی انکوائری میں تعاون کی پیشکش کی۔رانا ثناء اللہ نے کہا کہ مودی بچر آف گجرات کے نام سے جانا جاتا ہے، وہ مسلمانوں کا دشمن ہے۔
