اسلام آباد(رپورٹنگ آن لائن) چیئرمین پاکستان پیپلزپارٹی بلاول بھٹو زرداری نے اپوزیشن لیڈر شہباز شریف سے ان کے چیمبر میں ملاقات کی ۔ ملاقات میں رہنما مسلم لیگ ن احسن اقبال ، رہنما ن لیگ وسابق وزیراعظم شاہد خاقان عباسی ،ترجمان ن لیگ مریم اورنگزیب اور رہنما پیپلزپارٹی راجہ پرویز اشرف بھی شامل تھے ۔
ملاقات کے دوران مستقبل کی حکمت عملی پر بات چیت کی گئی ، اپوزیشن کے تین اراکین متحدہ اپوزیشن کی پارلیمانی کمیٹی سے غیر حاضر رہے ، ن لیگ، اے این پی اور بی این پی مینگل کے اراکین اجلاس میں شریک ہوئے ،جبکہ اجلاس میں پیپلزپارٹی کے رکن قومی اسمبلی جام عبدالکریم بھی غیر حاضری رہے ، جماعت اسلامی کے رکن مولانا عبدالکریم چترالی بھی شریک نہیں ہوئے ، اپوزیشن کے 162افرادمیں سے 159اراکین نے اجلاس میں شرکت کی ۔
