کراچی (رپورٹنگ آن لائن)پاکستان پیپلز پارٹی کے چیئرمین و وزیرِ خارجہ بلاول بھٹو زرداری نے ضلع گھوٹکی میں جرائم پیشہ عناصر کی جانب سے پولیس کیمپ پر حملے کی مذمت کرتے ہوئے کہا ہے کہ یقین ہے اس گھنائونی واردات میں ملوث ملزمان جلد اپنے منطقی انجام کو پہنچیں گے۔اپنے بیان میں پیپلز ہارٹی کے چیئرمین نے اس واقعہ میں ڈی ایس پی سمیت پولیس اہلکاروں کی شہادت پر اظہارِ افسوس کیا۔بلاول بھٹو زرداری کا واقعے میں شہید ہونے والے ڈی ایس پی عبدالمالک بھٹو۔شہید ایس ایچ اوز دین محمد لغاری اور عبدالمالک کمان گر اور دو سپاہیوں سلیم چاچڑ اور جتوئی کو بھی سلام پیش کیا۔
بلاول بھٹو زرداری کا حملے میں زخمی ہونے والے ایس ایچ او غلام علی بروہی اور دیگر اہلکاروں کی جلد صحتیابی کی دعا کی۔انہوں نے کہا کہ شہداء کے خاندانوں کے غم میں برابر کا شریک ہوں۔ وزیرِ خارجہ نے اظہارِ یکجہتی کرتے ہوئے کہا کہ عوام کی جان و مال کی حفاظتِ اور امن و امان کے لیے سندھ پولیس کی قربانیاں بے مثال ہیں،یقین ہے اس گھنائونی واردات میں ملوث ملزمان جلد اپنے منطقی انجام کو پہنچیں گے
