لاہور (رپورٹنگ آن لائن) پاکستان پیپلزپارٹی کے چیئرمین بلاول بھٹو زرداری کی جانب سے ٹیکس کی ادائیگی کی مکمل پانچ سالہ تفصیلات سامنے آگئیں۔ میڈیا رپورٹس کے مطابق چیئرمین پی پی پی بلاول بھٹو زرداری نے پانچ سالوں میں کل دو کروڑ 62 لاکھ 30 ہزار 691 ٹیکس ادا کیا۔
ایف بی آر نے گزشتہ روز اراکین پارلیمان کی جانب سے 2019 کی انکم ٹیکس ادائیگی کی تفصیلات جاری کی تھیں۔ایف بی آر کی جانب سے جاری کردہ تفصیلات میں زرعی ٹیکس کی ادائیگی کی تفصیلات شامل نہیں تھیں۔چیئرمین بلاول بھٹو زرداری نے 2019 میں پانچ لاکھ 35 ہزار 243 روپے انکم ٹیکس جبکہ 40 لاکھ 30 ہزار روپے کا زرعی ٹیکس جمع کروایا۔
چیئرمین بلاول بھٹو زرداری نے 2021 میں مجموعی طور پر 72 لاکھ 74 ہزار 378 ٹیکس جمع کروایا۔چیئرمین بلاول بھٹو زرداری نے 2020 میں مجموعی طور 60 لاکھ 43 ہزار 471 روپے ٹیکس ادا کیا۔چیئرمین بلاول بھٹو زرداری نے 2019 میں مجموعی طور پر 45 لاکھ 65 ہزار 243 روپے ٹیکس ادا کیا۔چیئرمین بلاول بھٹو زرداری نے 2018 میں مجموعی طور پر 41 لاکھ 52 ہزار 117 روپے ٹیکس جمع کروایا۔چیئرمین بلاول بھٹو زرداری نے 2017 میں مجموعی طور پر 41 لاکھ 95 ہزار 482 روپے ٹیکس ادا کیا۔
