لاہور( رپورٹنگ آن لائن) وفاقی وزیر ریلوے محمد حنیف عباسی نے کہا ہے کہ بلوچستان میں بسوں سے اتار کر 9 بے گناہ افراد کا قتل انسانیت سوز سانحہ ہے ،فتنہ الہندوستان کے دہشتگردوں نے شناخت کے بعد صرف پنجاب سے تعلق رکھنے والے مسافروں کو نشانہ بنایا ۔
اپنے بیان میں انہوںنے کہا کہ یہ بزدلانہ اور متعصبانہ حملہ قومی یکجہتی پر گہرا وار ہے ،فتنہ الہندوستان کے دہشتگرد انسانیت کے بدترین دشمن ہیں ،قاتل عناصر کو جلد انصاف کے کٹہرے میں لایا جائے گا ۔
وزیرریلوے حنیف عباسی نے کہا کہ لواحقین کے غم میں برابر کے شریک ہیں، ان کے دکھ پر دل اشکبار ہیں۔ انہوںنے کہاکہ اللہ تعالیٰ شہدا ء کے درجات بلند فرمائے اور اہل خانہ کو صبر جمیل دے ۔
