لاہور (رپورٹنگ آن لائن)تاجر رہنما و پاکستان سٹون ڈویلپمنٹ کمپنی کے بور ڈ آف ڈائریکٹرز کے رکن خادم حسین سینئر نائب صدر فیروز پور بورڈ لاہو رو ایگزیکٹو ممبرلاہور چیمبرز آف کامرس نے جاری مالی سال کے دوران پاکستان میں کی جانے والے براہ راست غیر ملکی سرمایہ کاری میں88فیصد اضافہ کو خوش آئند قرار دیتے ہوئے کہا کہ غیر ملکی سرمایہ کاری میں اضافہ سے صنعتی شعبہ ترقی کرے گا۔
سرمایہ کاری میں اضافہ سے نئی انڈسٹریز کے قیام سے برآمدات میں اضافہ کے ساتھ ساتھ روزگار کے وافر مواقع بھی دستیاب ہونگے جس سے ملک سے بے روزگاری کے خاتمہ بھی مدد ملے گی،
ان خیالات کااظہار انہوں نے فیروز پور بورڈ کے تاجروں کے وفد سے گفتگو کرتے ہوئے کیا۔خادم حسین نے کہا کہ نے کہا کہ کورونا وائرس کی وباء کے باوجود پاکستان میں براہ راست سرماری کاری خوش آئند ہے اور یہ قومی اقتصادی پالیسی پر عالمی برادری کے اعتماد کی عکاسی ہے۔
انہوں نے کہا کہ اسٹیٹ بینک آف پاکستان کی رپورٹ کے مطابق گزشتہ مالی سال 2019میں ملک میں1.362ارب ڈالر کی سرمایہ کاری کی گئی تھی جبکہ رواں مالی سال کے اسی عرصہ میں براہ راست غیر ملکی سرمایہ کا ری کا حجم2.561ارب ڈالر یعنی88فیصد کا نمایاں اضافہ ریکارڈ کیا گیا ۔
انہوں نے کہا کہ سپیشل اکنامک زونز میں بنیادی سہولتوں کے ساتھ انٹرنیشنل سٹینڈرز کے انفراسٹرکچر سے نئی صنعتوں کا قیام عمل میں آئے گا اور غیر ملکی سرمایہ کاروں کو ان سپیشل زونز میں سرمایہ کاری کی حوصلہ افزائی ہوگی۔
انہوں نے کہا کہ صنعتی شعبہ کی پیداواری لاگت میں کمی کیلئے اقدامات کیلئے جائیں بجلی گیس کی قیمتوں میں کمی کی جائے تاکہ ملک میں مہنگائی کی روک تھام ہو اور غیر ملکی سرمایہ کاروں کو ملک میں مزید سرمایہ کاری کی حوصلہ افزائی ہوسکے۔
