لاہور (ر پورٹنگ آن لائن)تاجر رہنما انجمن تاجران لوہا مارکیٹ شہید گنج (لنڈا بازار)لاہورکے سینئر نائب صدرراجہ عدیل
و سابق ایگزیکٹو ممبر لاہور چیمبرز آف کامرس اینڈ انڈسٹری نے کہا ہے کہ برآمدات میں اضافہ کیلئے نئی تجارتی پالیسی کا فی الفور
اعلان کیا جائے نئی تجارتی پالیسی ستمبر کے پہلے ہفتے کا لانے کا اعلان کیا گیا تھا لیکن اب پھر نئی تجارتی پالیسی التواء کا شکار
ہوگئی ہے انہوں نے کہا کہ حکومت نے رواں مالی سال کیلئے برآمدات کا ہدف 22ارب 71کرو ڑ 40لاکھ ڈالر مقرر کیا ہے
جبکہ تجارتی پالیسی نہ ہونے سے ملکی برآمدات 4سال کی کم ترین سطح تک گر گئیں ہیں ان خیالات کا اظہار انہوں نے شہید گنج
کے تاجروں کے وفد سے گفتگو کرتے ہوئے کیا۔راجہ عدیل اشفا ق نے کہا کہ تجارتی پالیسی کے تحت 2025تک برآمدات46
ارب ڈالر لے جانے کا پلان تھا لیکن نئی تجارتی پالیسی نہ ہونے سے2025تک برآمدات46ارب ڈالرز کا ہدف ناممکن ہے
حکومت برآمدات میں اضافہ کیلئے صنعتی شعبہ کی پیداواری لاگت میں کمی لانے کے اقدامات کیلئے اور صنعتی شعبہ میں بجلی
اور گیس کی قیمتوں میں کمی کی جائے تاکہ پیداوای لاگت میں کمی سے اشیاء سستی اور بیرون ملک ان کی مانگ میں اضافہ سے
ملکی برآمدات میں اضافہ ہوسکے۔برآمدات میں اضافہ سے حکومتی زرمبادلہ کے ذخائر میں اضافہ اور حکومت معاشی
طور پر مستحکم ہوگی اور ملک کو مزید قرضوں سے نجات ملے گی۔
