لندن (رپورٹنگ آن لائن)وفاقی وزیر اطلاعات عطا تارڑ نے کہا ہے کہ بانی پی ٹی آئی کی آنکھ کی تکلیف کو لے کر سنسنی پھیلائی گئی۔ میڈیا سے گفتگو کرتے ہوئے انہوںنے کہا کہ ہماری ذمہ داری تھی ہیلتھ کیئر فراہم کی جائے وہ کی گئی ہے۔انہوں نے کہا کہ طبی ماہرین نے بھی دیکھا ہے، ان کی پارٹی کے رہنماؤں کو بریفنگ بھی دی گئی ہے۔
واضح رہے کہ بانی پی ٹی آئی کی آنکھوں کے معائنہ سے متعلق میڈیکل رپورٹ سامنے آئی ہے جس کے مطابق عینک کے ساتھ دائیں آنکھ کی بینائی بہتر ہو کر 6/9 اور بائیں آنکھ کی بینائی 6/6 ہے۔دائیں آنکھ کے معائنے میں پردہ بصارت پر سوزش کے آثار پائے گئے ہیں، دائیں آنکھ کی سوجن میں کمی آئی ہے، جو بہتری کی علامت ہے، ماہرین نے اینٹی وی ای جی ایف علاج کی تکمیل کے بعد او سی ٹی اینجیو گرافی اور ایف ایف اے ٹیسٹ کروانے کا مشورہ دیا ہے۔
