اسلام آباد (رپورٹنگ آن لائن)پاکستان تحریک انصاف کے رہنما سلمان اکرم راجا نے بانی پی ٹی آئی کی صحت سے متعلق گفتگو کرتے ہوئے کہا ہے کہ پہلے بانی پی ٹی آئی کو دیوار پر لگی گھڑی نظر نہیں آرہی تھی، اب سوئیاں بھی دکھ رہی ہیں۔میڈیا سے گفتگو کرتے ہوئے سلمان اکرم راجا نے کہا کہ پہلے بانی پی ٹی آئی نے کہا تھا دیوار پر لگی گھڑی نظر نہیں آ رہی،
اب انہوں نے کہا صرف گھڑی ہی نہیں اس میں لگی سوئیاں بھی نظر آ رہی ہیں۔سلمان اکرم راجا نے کہا کہ یہ انتہائی حوصلہ افزا ہے اور ڈاکٹرز نے کہا یہ حیرت انگیز بھی ہے، جو باتیں ڈاکٹر ندیم قریشی نے ہمیں پمز ہسپتال میں بتائیں وہ حوصلہ افزا ہیں۔پی ٹی آئی رہنما نے کہا کہ ڈاکٹر ندیم قریشی کا نام ڈاکٹر عاصم یوسف نے ہی دیا تھا۔
