پشاور (رپورٹنگ آن لائن )پی ٹی آئی کے رہنما بیرسٹر محمد علی سیف نے کہا کہ کہ بانی پی ٹی آئی سے مشاورت وزیراعلیٰ کا آئینی اور قانونی حق ہے ، بیان میں بیرسٹرسیف نے کہا کہ خیبر پختونخوا کے عوام نے بانی پی ٹی آئی کو مینڈیٹ دیا ہے ۔
انہوں نے کہا کہ عدالتی حکم کے باوجود منتخب وزیراعلی ٰکو ملاقات سے روکا جا رہا ہے ، عدالتی احکامات کو روندنا ملک میں لاقانونیت کو فروغ دیا جارہا ہے ۔
بیرسٹرسیف نے کہا کہ وزیراعلیٰ سہیل آفریدی نے پنجاب حکومت کو ملاقات کیلئے باقاعدہ خط بھی لکھا تھا۔انہوں نے مزید کہا کہ عدالتوں پر حملے اور عدالتی احکامات کی خلاف ورزی شریف خاندان کی عادت ہے ۔
