بارش سے متاثرہ علاقوں میں لوگوں کو کھانا اور پانی پہنچائیں،اکیلا نہ چھوڑیں

کراچی(رپورٹنگ آن لائن ) وزیراعلی سندھ مراد علی شاہ نے کہا ہے کہ بارش سے متاثرہ علاقوں میں لوگوں کو کھانا اور پانی پہنچائیں،اکیلا نہ چھوڑیں۔

تفصیلات کے مطابق وزیراعلی سندھ مراد علی شاہ نے ملیر ندی کے متاثرہ علاقوں کا دورہ کیا۔ڈی سی چیئرمین سلمان عبداللہ مراد نے ملیر ندی سے متعلق بریفنگ دی۔ وزیراعلی سندھ نے ماروی گوٹھ پہنچ کر لوگوں سے تفصیلات لیں۔

مراد علی شاہ کو بتایا گیا کہ کھوئی گوٹھ 22، درسانو چھنو سے30 لوگوں کا انخلا ہوگیا،مدینہ ٹان،یار محمد گوٹھ میں لوگ پھنسے ہوئے ہیں۔ مراد علی شاہ نے کمشنر کراچی کو فوری لوگوں کو نکالنے کی ہدایت کرتے ہوئے کہا کہ لوگوں کو کھانا اور پانی پہنچائیں،اکیلا نہ چھوڑیں۔

صوبہ سندھ میں مون سون بارشوں نے تباہی مچا دی ہے جبکہ کراچی میں مسلسل بارش کے باعث کئی نشیبی علاقے زیر آب آگئے ہیں۔