بات ہی نہیں کریں گے والی بات غلط ہے، اسد عمر

اسلام آباد (رپورٹنگ آن لائن)تحریک انصاف کے رہنما اسد عمر نے کہا ہے کہ بات ہی نہیں کریں گے والی بات غلط ہے۔اپنے بیان میں اسد عمر نے کہا کہ 2018 کے الیکشن میں پی ٹی آئی نے ایک کروڑ 68 لاکھ ووٹ لیے جبکہ پی ڈی ایم نے مجموعی طور پر سوا دو کروڑ ووٹ لیے، اس لیے سیاسی طور پر یہ نہیں کہہ سکتے کہ جنہیں سوا دو کروڑ لوگوں نے ووٹ ڈالا ان سے سیاسی مسائل حل کرنے کیلئے بات نہیں کروں گا۔

انہوں نے کہا کہ جرم کیے ہیں تو اپنا نظام بہتر کریں مگر سیاسی ڈائیلاگ سے منع نہیں کر سکتے۔اسد عمر نے کہا کہ اس وقت ملک جس نہج پر پہنچ چکا ہے سب کو دو قدم پیچھے ہٹنا پڑے گا۔انہوں نے کہا کہ اپنی پوزیشن کمپرومائز کرکے حل نکالنا پڑے گا، ورنہ ملک تباہی کی طرف جارہا ہے، میں ٹکراؤ کی اسٹریٹجی سے متفق نہیں تھا۔