ملتان (رپورٹنگ آن لائن)ملتان کرکٹ اسٹیڈیم میں پاکستان سپن بائولر ساجد خان نے کہا ہے کہ بابر اعظم بد قسمتی سے آؤٹ ہو گئے کوئی جان کر آؤٹ نہیں ہوتا، پیچ مشکل ہے یہاں بیٹنگ آسان نہیں ، سعود شکیل اور سلمان آغا وکٹ پر موجود ہیں ، امید ہے آنے والے بیٹر اچھی اننگز کھیلیں گے ۔
پریس کانفرنس کر تے ہوئے کہا کہ امید ہے آنے والے بیٹر اچھی اننگز کھیلیں گے ،سعود شکیل پہلے بھی اچھا کھیلا ہے ابھی پیچ پر موجود ہے ،سلمان آغا بھی ابھی موجود ہیں ،نئے بال سے اس وکٹ پر بہت کچھ ہے ،بیس پچیس اوور کے بعد بال تھوڑا پرانا ہوجاتا ہے اور آسان ہو جاتا ہے ،بال پرانا ہونے سے ٹرن اتنا زیادہ نہیں ہوتا۔ انہوںنے کہاکہ اب ماڈرن کرکٹ ہے ایسا بالکل نہیں ہے کہ ٹیل اینڈر کو کو بیٹنگ نہیں آتی اب وہ دور نہیں ہے کہ چھ سات آئوٹ کر لیے تو نیچے والوں کو بیٹنگ نہیں آتی ۔
انہوںنے کہاکہ بابر اعظم بد قسمتی سے آؤٹ ہو گئے کوئی جان کر آؤٹ نہیں ہوتا، پیچ مشکل ہے یہاں بیٹنگ آسان نہیں ہے ابھی ناممکن نہیں ہے ۔ انہوںنے کہاکہ ہم اس میچ کو جیتنے کی کوشش کریں گے ٹیسٹ کرکٹ کا رزلٹ نہیں آرہا تھا ،لوگ دیکھنے نہیں آتے تھے ان پچز سے رزلٹ آ رہا ہے ،ہم اپنی طرف سے پوری کوشش کر رہے ہیں ۔ انہوںنے کہاکہ جیت ہار کھیل کا حصہ ہوتا ہے۔
