رپورٹنگ آن لائن
ای ٹی او ایکسائز لاہور پراپرٹی ٹیکس زون 19 طارق فریدی کے خلاف بھاری ٹیکس چوری کی انکوائری مبینہ طور پر ٹھپ کرنے کی اطلاعات سامنے آیی ہیں۔
بحریہ ٹاؤن لاہور میں واقع یورو سٹور بلڈنگ کی انتظامیہ سے پراپرٹی ٹیکس میں بھاری چھوٹ کے عوض ایکسائز اینڈ ٹیکسیشن آفیسر زون 19 ریجن بی لاہور طارق فریدی کے خلاف 15 لاکھ روپے رشوت لینے کا الزام سامنے آیا تھا۔
در خواست گزار کے مطابق طارق فریدی نے پراپرٹی ٹیکس کی ریویژن کے دوران جان بوجھ کر ٹیکس کم کرکے قومی خزانے کو بڑا نقصان پہنچایاتھا
اے جی این نیوز کے رپورٹر محمد ہارون کی درخواست پر محکمہ ایکسائز، ٹیکسیشن اینڈ نارکوٹکس کنٹرول پنجاب نے 24 نومبر 2025ء کو باقاعدہ حکم نامہ جاری کرتے ہوئے ڈائریکٹر انفورسمنٹ اینڈ آڈٹ سید عاصم امین کو انکوائری افسر مقرر کر کیا تھا اور ہدایات جاری کی تھیں کہ 15 دن کے اندر حقائق کی جانچ کرکے رپورٹ جمع کرائیں گے۔
تاہم 15 یوم گزرنے کے باوجود انکوائری افسر نے تاحال رپورٹ جمع نہیں کروائی اور تصدیق کی ہے کہ انکوائری ابھی زیر التوا ہے۔
ادھر عوامی حلقوں نے مطالبہ کیا ہے کہ انکوائری کو ٹھپ کرنے کی بجایے ترجیحی بنیادوں پر مکمل کی جایے تاکہ قصوروار ثابت ہونے پر کرپٹ ای ٹی او کے خلاف تادیبی کارروائی کی جاسکے۔
درخواست گزار کے مطابق پراپرٹی پی آئی این نمبر 06180-1850190062010136 (FO667-01)، پراپرٹی نمبر BB-667-A/Com، سیکٹر ڈی، بہریہ ٹاؤن کی ریویژن پیٹیشن نمبر RVN-LHRB/14930/2024-2025 17 میں جون 2025ء کو ای ٹی او زون 19 طارق فریدی نے اصل مالیت کے مطابق ٹیکس لگانے کے بجائے مبینہ طور پر پراپرٹی مالک سے 15 لاکھ روپے رشوت لے کر ٹیکس کو انتہائی کم کردیا جس سے قومی خزانے کو بڑانقصان ہوا۔
