لاہور( رپورٹنگ آن لائن) لاہور ہائیکورٹ میںاینٹی ریپ ایکٹ پر عملدرآمد سے متعلق کیس کی سماعت17 اپریل کو ہو گی ،چیف جسٹس لاہور ہائیکورٹ جسٹس مس عالیہ نیلم کی سربراہی میں جسٹس فاروق حیدراورجسٹس علی ضیا ء باجوہ پر مشتمل تین رکنی فل بنچ سماعت کرے گا۔
فاضل عدالت نے زیادتی کیس کے ملزم واجدعلی کی درخواست ضمانت پر اینٹی ریپ ایکٹ پرعملدرآمد کے متعلق جواب طلب کررکھا ہے۔ تین رکنی بنچ نے اٹارنی جنرل فار پاکستان کومعاونت کیلئے طلب کررکھا ہے،ڈپٹی اٹارنی جنرل اسد علی باجوہ، پراسیکیوٹر جنرل سید فرہاد علی شاہ سمیت پولیس افسران بھی پیش ہوں گے۔
