جعفر بن یار۔۔۔
پنجاب انفارمیشن کمیشن نے معلومات تک رسائی کے قانون کو نظر انداز کر نے اور معلومات کو دانستا” فراہم نہ کرنے کے الزام میں ایم ڈی پنجاب کریکولم اینڈ ٹیکسٹ بک بورڈ لاہور فاروق منظور کو دوبارہ شوکاز نوٹس جاری کرتے ہوئے 22 جون کو حتمی طورپرطلب کرلیا ہے۔
شہری نے بورڈ کے مختلف اجلاسوں میں ہونے والے فیصلوں کی مصدقہ کاپی مانگی تھی۔جن کو خفیہ قرار دیتے ہوئے دینے سے انکار کر دیا گیا۔
اسی طرح شہری نے بورڈ کے مختلف عہدوں پر کام کرنے والے اساتذہ کے متعلق معلومات کی فراہمی کی درخواست کی تھی۔
جبکہ بورڈ انتظامیہ نے محکمے کی عمارت کی مرمت اور تزئین و آرائش پر ہونے والے اخراجات کے متعلق معلومات بھی فراہم نہ کی۔
بتایا گیا ہےکہ ایم ڈی پی سی ٹی بی فاروق منظور، سیکرٹری پی سی ٹی بی عبدالرزاق اور ڈائیریکٹر مینوسکرپٹ عبداللہ فیصل سمیت بورڈ کے بعض افسر معلومات تک رسائی کے قانون کو ترجیح دیتے ہیں نہ ہی انفارمیشن دیتے ہیں۔اور بلاوجہ شہریوں کے آئینی و قانونی راستے میں رکاوٹیں کھڑی کرتے ہیں۔
ذرائع کے مطابق ان دنوں پی سی ٹی بی میں کرپشن اور بدعنوانی اپنے عروج پر ہے۔ جس کو چھپانے کے لیے آر ٹی آئی ایکٹ پر عمل درآمد سے گریز کیا جاتا ہے۔
