بیجنگ (رپورٹنگ آن لائن) یکم فروری کو، اپیک 2026 کے لیے اعلی حکام کی پہلی میٹنگ اور متعلقہ سرگرمیوں کا باضابطہ آغاز ہوا۔ یہ صرف ایک معمول کی بین الاقوامی کانفرنس کا آغاز نہیں ، بلکہ ایشیا پیسیفک تعاون کے لیے “چینی سال” کا باضابطہ آغاز بھی ہے۔
ایک سست عالمی اقتصادی بحالی اور بڑھتی ہوئی تحفظ پسندی کے پس منظر میں، ایشیا پیسیفک خطہ، عالمی اقتصادی ترقی کے کلیدی انجن کے طور پر، اپنی تعاون پر مبنی ترقی کے حوالے سے بہت زیادہ توجہ حاصل کر رہا ہے ۔ اس اہم لمحے میں، چین نے تیسری بار اپیک کی میزبانی کی ذمہ داری اٹھائی ہے، جس سے نہ صرف ایشیا پیسیفک کی تمام رکن معیشتوں کی مشترکہ توقعات پوری ہوتی ہیں بلکہ موجودہ دور میں ایک بڑے ملک کی ذمہ داری بھی ظاہر ہوتی ہے ۔
اس کانفرنس کا موضوع ہے “مشترکہ خوشحالی کے لیے ایشیا پیسیفک کمیونٹی کی تعمیر”۔ میزبان ملک کے طور پر، چین نے واضح کیا ہے کہ وہ چاہتا ہے کہ ہر کوئی تعاون سے ٹھوس فوائد حاصل کرے۔ یہ عملی رویہ اجلاس کے ایجنڈے کی تشکیل میں نظر آتا ہے ۔ اجلاس کے شرکاء نہ صرف میکرو ویژن پر بحث کریں گے ، بلکہ تعاون کے مخصوص اور قابل عمل راستوں پر بھی توجہ مرکوز کریں گے ؛ نہ صرف روایتی شعبوں پر توجہ دیں گے ، بلکہ ابھرتی ہوئی صنعتوں کے لیے منصوبے بھی بنائیں گے ۔ 10 روزہ اجلاس کے دوران، اپیک کی 21 رکن معیشتوں، سیکرٹریٹ، اور بزنس ایڈوائزری کونسل کے تقریباً 1,000 مندوبین 70 سے زائد اجلاسوں اور سرگرمیوں میں شرکت کریں گے۔
سربراہی اجلاس کے مقابلے میں، اگرچہ اعلیٰ حکام کی میٹنگ کم نمایاں نظر آتی ہیں، لیکن اسے اپیک آپریشن کا ‘انجن روم’ سمجھا جاتاہے ۔ جس طرح مشینری کو ایک ساتھ کام کرنے کے لیے درست پرزوں کی ضرورت ہوتی ہے، اسی طرح ایشیا پیسیفک تعاون کو بھی اس طرح کے طریقہ کار کی ضرورت ہے۔ شرکاء رہنماؤں کی گزشتہ سمٹ میں طے پانے والے اتفاق رائے کو عملی جامہ پہنانے، تجارتی سہولت کاری، ڈیجیٹل معیشت، اور سپلائی چین کی لچک جیسے مخصوص مسائل پر ٹھوس مشاورت کرنے، دستاویزات کا مسودہ تیار کرنے، اور بعد کے وزارتی اجلاس اور سربراہی اجلاس کے لیے رکاوٹیں دور کرنے کے ذمہ دار ہوتے ہیں۔سو یہ کہا جا سکتا ہے کہ اس سال اور مستقبل میں اپیک تعاون کا اعلی سطحی معیار موجودہ سلسلہ وار اجلاسوں کے نتائج پر منحصر ہے۔
2026 کی اپیک سمٹ کے لیے یکم فروری کو منعقدہ اجلاس نے ” کھلے پن ، اختراع، اور تعاون” پر خاصی توجہ مرکوز کی ہے اور اس وقت ایشیا پیسیفک خطے کو درپیش اہم چیلنجوں اور ترقی کی ضروریات کا درست جواب دیا ہے ۔ عالمی تجارتی نظام میں غیر یقینی صورتحال کے پس منظر میں، علاقائی اقتصادی کھلے پن اور انضمام کو برقرار رکھنا اور فروغ دینا انتہائی اہم ہے۔ تمام فریقوں کو توقع ہے کہ میٹنگ سے ایشیا پیسیفک فری ٹریڈ ایریا کی تعمیر جیسے اہم مسائل پر خاطر خواہ پیش رفت ہو گی اور مزید کھلے اور جامع علاقائی اقتصادی ماڈل کی تعمیر کو فروغ دیا جائے گا۔ اختراع کی بات کی جائے تو ڈیجیٹل اکانومی اور مصنوعی ذہانت جیسے جدید شعبوں میں تعاون اقتصادی ترقی کے لیے ایک نیا انجن بن گیا ہے۔ ان شعبوں میں اپیک ممبران کے درمیان پالیسی کوآرڈینیشن اور تعاون علاقائی سپلائی چین کے استحکام اور اقتصادی ترقی کی رفتار کو براہ راست متاثر کرے گا۔ اور تعاون کے حوالے سے دیکھا جائے تو ماحولیاتی تبدیلی، صحت عامہ، اور توانائی کی سلامتی جیسے بین الاقوامی چیلنجوں کے پیش نظر، علاقائی تعاون کو گہرا کرنا واحد موثر راستہ نظر آتا ہے ۔
ایشیا-بحرالکاہل کے خاندان کے ایک رکن کے طور پر، چین کے ترقیاتی عمل نے کھلے پن اور تعاون کی اہمیت کو پوری طرح سے ظاہر کیا ہے- چین کی ترقی نے ایشیا پیسفک خطے کے کھلے پن اور خوشحالی سے فائدہ اٹھایا ہے اور ساتھ ہی ساتھ اپنی ترقی کے ذریعے ایشیا پیسفک خطے کو فائدہ بھی پہنچایا ہے۔ باہمی فائدے اور جیت جیت پر مبنی تعاون کے تصور نے ایشیا پیسیفک خطے کی خوشحالی اور پیشرفت میں ایک مضبوط قوت کا کردار ادا کیا ہے اور یہ ایشیا پیسفک تعاون کی مستقل وسعت کے لیے ایک اہم بنیاد بھی ہے۔
میزبان ملک کے طور پر، چین نے موجودہ میٹنگ کی تیاری اور تنظیم کے عمل میں انتہائی ذمہ داری اور کھلے پن کا مظاہرہ کیا اور ایک مساوی، جامع اور عملی مکالمے کے پلیٹ فارم کی تعمیر کی تاکہ پیچیدہ بین الاقوامی ماحول میں اپیک تعاون کا میکانزم استحکام اور ترقی دینے والا کردار ادا کر سکے ۔
گوانگ چو میں اعلیٰ حکام کی میٹنگ کا انعقاد نہ صرف اپیک کے “چینی سال” کے آغاز کا اشارہ دیتا ہے بلکہ یہ اہم موقع پر ایشیا پیسفک تعاون میں نئی توانائی بھی فراہم کرتا ہے۔ چین عملی اقدامات کے ذریعے باہمی مفاد اور جیت جیت تعاون کے تصور پر عمل پیرا رہنے پر اصرار کرتا ہے، کھلی ایشیا پیسفک معیشت کی تعمیر کو فروغ دیتا ہے، اور خطے کی مشترکہ خوشحالی کے لیے چینی دانشمندی اور چینی حل فراہم کرتا ہے۔
جیسے جیسے یہ میٹنگز آگے بڑھیں گی ، ہم مزید حقیقی نتائج دیکھنے کے منتظر ہوں گے تاکہ نومبر میں شینزین اپیک رہنماؤں کی غیر رسمی میٹنگ کے لیے مضبوط بنیاد رکھی جائے اور نئے تاریخی دور میں ایشیا پیسفک تعاون کو ایک نئی سطح پر لے جایا جا سکے جس سے غیر یقینی دنیا میں زیادہ استحکام اور مثبت توانائی داخل کی جا سکے۔ ایشیا پیسفک کمیونٹی کی تعمیر کا راستہ اگرچہ طویل اور مشکل ہے،لیکن عملی تعاون جو ٹھوس اقدامات سے شروع ہوتا ہے، اس سے یقیناً خطے کے لوگوں کو ٹھوس فوائد حاصل ہوں گے۔
