کراچی (رپورٹنگ آن لائن)سابق ٹیسٹ کرکٹر شعیب اختر نے کہا ہے کہ سندھ پریمیئر لیگ کیلئے دبئی سے خصوصی طور پر کراچی آیا ہوں، کامیاب ایونٹ پر سندھ پریمیئر لیگ کی انتظامیہ کو مبارک باد دیتا ہوں۔
میڈیا سے گفتگو کرتے ہوئے شعیب اختر نے کہا کہ سندھ پریمیئر لیگ میں میرپورخاص ٹائیگرز کا حصہ بننے پر خوشی محسوس کررہا ہوں، مجھے میرپور خاص ٹائیگرز کا برانڈ ایمبیسڈر بنایا گیا ہے۔
انہوںنے کہا کہ سندھ پریمیئر لیگ کے انعقاد کا فیصلہ بہت اچھا ہے، لیگ کی تمام فرنچائزز نے نوجوان کھلاڑیوں کو پلیٹ فارم فراہم کیا ہے۔سابق ٹیسٹ کرکٹر شعیب اختر نے کہا کہ ایونٹ کے انعقاد میں سندھ پریمیئر لیگ انتظامیہ کی بڑی کاوشیں ہیں۔
