بیجنگ (رپورٹنگ آن لائن)چین کی وزارت خارجہ نے کہاہے کہ ایران کے جوہری پروگرام کے حوالے سے پیش رفت نازک نقطے تک پہنچ چکی ہے۔ ایران پر سے پابندیوں کا اٹھانا جمود توڑنے کے لیے بنیادی امر ہے۔میڈیارپورٹس کے مطابق چینی وزارت خارجہ کے ترجمان وینگ وِنبِن نے ایک پریس کانفرنس میں کہا کہ ایران کے جوہری معاملے کے سلسلے میں موجودہ صورت حال نازک مرحلے سے گزر رہی ہے جہاں مواقع اور چیلنج موجود ہیں۔چینی ترجمان کا یہ بیان ایران کی جانب سے اپنی جوہری تنصیبات کے عالمی معائنے کی کارروائیوں کو سرکاری طور پر محدود کرنے کے آغاز کے ایک روز بعد سامنے آیا ہے۔ تہران کی اس کوشش کا مقصد یورپی ممالک اور امریکا پر دبا ڈالنا ہے تا کہ وہ ایران پر عائد اقتصادی پابندیاں اٹھا لیں اور سال 2015 میں طے پانے والے جوہری معاہدے کی طرف واپس لوٹیں۔
