تہران (رپورٹنگ آن لائن)ایران کے وزیر خارجہ عباس عراقچی نے اقوام متحدہ کے سکریٹری جنرل انتونیو گوتریس کو ان کی ڈیووس فورم کی تقریر کا جواب دے دیا ہے۔
عباس عراقچی نے کہا ہے یہ بڑی بے حیائی ہے کہ ایرانیوں کو خطاب کرکے ان سے مطالبہ کیا جائے کہ وہ ظاہر کریں کہ وہ ایک بار اور ہمیشہ کے لیے ایٹمی ہتھیاروں کے قبضے کو ترک کر رہے ہیں۔میڈیارپورٹس کے مطابق ایرانی وزیر نے اپنے ملک کے عالمی جوہری عدم پھیلائو کے نظام کے لیے پختہ عزم کی تصدیق کی۔
انہوں نے کہا کہ یہ عزم انگریزی زبان کی ایک اشاعت میں سب کے لیے واضح ہے۔ انہوں نے مزید کہا کہ 1968 میں ایران نے جوہری عدم پھیلا کے معاہدے (این پی ٹی)پر بانی ارکان میں سے ایک کے طور پر دستخط کیے تھے۔عباس عراقچی نے ایران کے سپریم لیڈر کے فتوی کا حوالہ دیتے ہوئے کہا کہ ہمارے رہبر معظم نے ایک قانونی فتوی جاری کیا جس میں بڑے پیمانے پر تباہی پھیلانے والے ہتھیاروں کی ممانعت کی گئی ہے۔
ایرانی وزیر خارجہ نے مزید کہا کہ 2015 میں ایران نے جوہری معاہدے پر دستخط کیے۔ یہ بین الاقوامی ایٹمی توانائی ایجنسی کی تاریخ میں سب سے زیادہ جامع معائنہ کرنے والا نظام ہے۔
