لاہور(ر پورٹنگ آن لائن )گور نر پنجاب چوہدری محمدسرور نے کہا ہے کہ حکومت اور ا فواج پاکستان سمیت تمام ادارے ایک پیج پر ہیں،اپوزیشن احتسابی عمل کو بر یک لگوانا چاہتی ہے مگر ایسا نہیں ہوگا۔ ان خیالات کا اظہار انہوں نے وفاقی وزیر سائنس اینڈ ٹیکنالوجی فواد چوہدری سے ملاقات میں گفتگو کرتے ہوئے کیا ۔ ملاقات میں سیاسی اور حکومتی امور سمیت دیگر ایشوز کے بارے میں بات چیت کی گئی ۔گور نر پنجاب چوہدری محمدسرور نے کہا کہ حکومتی ایجنڈہ ترقی اور خوشحالی ہے ،سیاسی مخالفین انتشار چاہتے ہیں ،
پاکستان اس وقت کسی بھی طرحکے انتشار اور فساد کا متحمل نہیں ہوسکتا،اپوزیشن کو بھی چاہیے سڑکوں پر آنے کی بجائے پار لیمنٹ اور جمہوریت کی مضبوطی کے لیے اپنا کردار ادا کر ے ۔گورنر پنجاب چوہدری سرور نے کہا کہ اپوزیشن پہلے دن سے ہی حکومت کو عدم استحکام کا شکار کر نے کی کوشش کر رہی ہے مگر ان کو پہلے بھی ناکامی کا منہ دیکھنا پڑ ا اور اب بھی ناکام ہوگی اور عمران خان بطور وزیر اعظم اپنی آئینی مدت پوری کر یں گے۔
چوہدری محمدسرور نے کہا کہ اپوزیشن احتسابی عمل کو بر یک لگوانا چاہتی ہے مگر ایسا نہیں ہوگا ،شفاف اور بلاتفر یق احتساب ملک وقوم کے لیے لازم ہو چکا ہے ،ملکی ترقی کی راہ میں رکاوٹیں ڈالنے کا اپوزیشن کا منصوبہ ناکام ہوگا،قومی اداروں کو تنقید کا نشانہ بنانے والوںکو قوم معاف نہیں کر ے گی ،ملکی دفاع کو یقینی بنانیوالی افواج پاکستان پر قوم کو فخر ہے ۔ انہوں نے مزید کہا کہ اقوام متحدہ میں عمران خان نے کشمیر یوں کا مقدمہ بھرپور اندازمیںلڑا ہے فلسطینی عوام پر اسرائیلی دہشتگردی مسلسل بڑھ رہی ہے ،
دنیا میں امن کے لیے مسئلہ کشمیر وفلسطین کو حل کر نا ہوگا۔وفاقی وزیر فواد چوہدری نے کہا کہ اپوزیشن کے کسی احتجاج سے حکومت کو کوئی خطرہ نہیں ،عام انتخابات 2023میں ہی ہوںگے اور اپوزیشن ایک بار پھر ناکام ہوگی ،حکومت کمزو ر طبقات کو مضبوط بنانے کے لیے عملی اقدامات کررہی ہے ۔
