لاہور (رپورٹنگ آن لائن )پیپلزپارٹی وسطی پنجاب کے صدر قمر زمان کائرہ نے کہا ہے کہ اس بار گلگت بلتستان کے انتخابات کے نتائج بہت منفرد ہونگے، بلاول بھٹو زرداری نے گلگت سے سکردو تک عوامی سیاست کی نئی لہر پیدا کر دی ۔
اپنے بیان میں انہوں نے کہا کہ واضح ہو چکا کہ گلگت بلتستان کے عوام پیپلز پارٹی کے ساتھ کھڑے ہیں،بلاول بھٹو کی انتخابی مہم میں شہید بھٹو اور بی بی شہید کا عوامی رنگ غالب ہے ،گلگت بلتستان کے جوانوں ، بزرگوں ، خواتین اور بچوں نے ہر جگہ بلاول کا والہانہ استقبال کیا،انشاللہ گلگت بلتستان کا اگلا وزیراعلی ایک جیالاہی ہوگا۔
