لاہور( رپورٹنگ آن لائن)وفاق وزیر وصدر استحکام پاکستان پارٹی عبدالعلیم خان نے کہا ہے کہ بڑھتی آبادی اور انتظامی ضروریات کے پیش نظر نئے صوبوں کا قیام ناگزیر ہوچکاہے، وقت آگیا ہے کہ موجودہ 4صوبوں کو 3،3انتظامی حصوں میں تقسیم کیاجائے۔
نجی ٹی وی کے مطابق عبدالعلیم خان نے کہا کہ موجودہ صوبوں کے نام کے ساتھ نارتھ، سینٹرل اور ساتھ استعمال کیا جائے، نئی انتظامی تقسیم عوامی مسائل کے حل کو ان کی دہلیز تک پہنچائے گی، انتظامی تقسیم چیف سیکرٹری، آئی جی، ہائیکورٹ جیسے اداروں کو موثر کام کرنے کے قابل بنائے گی۔انہوںنے کہا کہ نئے صوبے پاکستان کو تقسیم نہیں کریں گے بلکہ قومی یکجہتی کو مضبوط، معیشت مستحکم، علاقائی ترقی کو متوازن بنائیں گے۔
انہوںنے کہا کہ گزشتہ کئی دہائیوں سے نئے صوبوں کی بات صرف سیاست اور نعروں تک محدود رہی، اب وقت ہے باہمی مشاورت اور سنجیدگی سے اس وژن کو حقیقت میں بدلاجائے۔
