اسلام آباد (رپورٹنگ آن لائن) پاکستان مسلم لیگ (ن) کی ترجمان مریم اورنگزیب نے کہا ہے کہ ڈسکہ الیکشن چور عمران اگلے الیکشن پر ڈاکہ ڈالنے کی قانون سازی کررہے ہیں، یہ قانون سازی آئین اور قانون کے ساتھ کھلواڑ ہے، قانون سازی ایک غیر جانبدار اور آزاد الیکشن کمیشن پر حملہ ہے، انتخابی اصلاحات سازش‘ دھونس اور دھمکی سے نہیں پارلیمانی مشاورت سے ہوتی ہیں۔
بدھ کو پارلیمنٹ کے مشترکہ اجلاس میں شرکت سے قبل میڈیا سے گفتگو کرتے ہوئے مسلم لیگ (ن) کی ترجمان مریم اورنگزیب نے کہا کہ ڈسکہ الیکشن چور عمران اگلے الیکشن پر ڈاکہ ڈالنے کی قانون سازی کررہے ہیں۔ آج کی قانون سازی آئین اور قانون کے ساتھ کھلواڑ ہے۔ الیکشن کمیشن کے آئینی اختیارات پر کوئی سمجھوتہ نہیں کریں گے۔ یہ قانون سازی ایک غیر جانبدار اور آزاد الیکشن کمیشن پر حملہ ہے۔ انہوں نے کہا کہ حکومت انتخابی اصلاحات نہیں عوام کی رائے کے قتل کا منصوبہ بنا رہی ہے۔ انتخابی اصلاحات سازش‘ دھونس اور دھمکی سے نہیں پارلیمانی مشاورت سے ہوتی ہیں۔ یہ قانون سازی نہیں سلیکٹڈ عمران خان کا چوری کا منصوبہ ہے انشاءاﷲ ایوان کے دونوں اطراف بیٹھے نمائندے عوام کی رائے کا قتل نہیں ہونے دیں گے۔
یہ الیکشن ووٹنگ مشین عوام کے ووٹ چوری کی بدترین مثال ہے۔ دوسری جانب مریم اورنگزیب نے پارلیمنٹ کے مشترکہ اجلاس پر اپنے بیان میں کہا آج کی قانون سازی آئین اور قانون کے ساتھ کھلواڑ ہے ،آج کی قانون سازی ماورائے آئین ہے ،الیکشن کمیشن کے آئینی اختیارات پہ کوئی سمجھوتہ نہیں کریں گے ،یہ ایک غیر جانبدار اور آزاد الیکشن کمیشن پہ حملہ ہے ،یہ انتخابی اصلاحات نہیں بلکہ عوام کی رائے کے قتل کے سازش اور منصوبہ بندی ہے ،انتخابی اصلاحات سازش، دھونس اور دھمکی سے نہیں بلکہ پارلیمانی مشاورت سے ہوتی ہیں،یہ انتخابی اصلاحات کی قانون سازی نہیں بلکہ سیلیکٹڈ عمران صاحب کا الیکشن چوری کا منصوبہ ہے،آج انشائاللہ ایوان کے دونوں اطراف عوامی نمائندے عوام کی رائے کا قتل نہیں ہونے دیں گے۔
انہوںنے کہا یہ الیکٹرانک ووٹنگ مشین نہیں عوام کے ووٹ چوری کی تاریخی اور بد ترین مثال ہے،عمران صاحب کو پتہ ہے کہ عوام نے آٹا چینی بجلی گیس دوائی چوروں کو ووٹ نہیں دینا ،پہلے اٹھارویں ترمیم نشانہ تھی، اب پورا آئین کی نشانے پر ہے م،آئین عوام کو آزادی، حقوق، وسائل میں حصہ دیتا ہے، اس کے نہ ہونے سے حادثے ہوئے ،عوام کا حق انتخاب چھیننا عملا آئین کو دفن کرنا ہے ،تین سال سے پاکستان کی عوام الیکشن چوری کا خمیازہ بھگت رہی ہے ،تین سال سے پاکستان کے عوام الیکشن چوری کی وجہ سے مہنگائی، بے روزگاری اور معاشی تباہی کی چکی میں پس رہے ہیں
