کیف ( رپورٹنگ آن لائن)یوکرین کے صدر ولادی میر زیلنسکی نے کہا ہے کہ ان کی امریکی صدر ڈونلڈ ٹرمپ کے خصوصی نمائندے سٹیو وٹکوف اور جیریڈ کشنر کے ساتھ بہت اچھی بات چیت ہوئی ہے۔ اس بات چیت کا ہدف روسی جبر پر مبنی جنگ کا خاتمہ تھا۔
انہوں نے اس امر کا اظہار گزشتہ روز کیا ۔یوکرینی صدر نے سوشل میڈیا پر اپنی پوسٹ میں کہا کہ ہم نے متعین اور بنیادی نوعیت کے امور پر تفصیل سے تبادلہ خیال کیا ۔ اس بات چیت کے ذریعے ایسے اچھے تصورات سامنے آئے ہیں جو مشترکہ حل اور پائیدار امن کی طرف لے جانے کا موجب بن سکتے ہیں۔صدر زیلنسکی نے اپنی سوشل میڈیا پوسٹ میں دونوں امریکی نمائندوں کا شکریہ بھی ادا کیا ۔
کہ ان نمائندوں نے تعمیری اپروچ کے ساتھ اور کرم فرمائی لیے ہوئے الفاظ کے ساتھ تفصیلی انداز سے سبھی امور کو موضوع بنایا۔زیلنسکی کا مزید کہنا تھا ہم حقیقی معنوں پر روز اس امر پر چوبیس گھنٹے کام کر رہے ہیں کہ یوکرین کے خلاف روسی جبر کی جنگ کا جلد خاتمہ ہو۔ حقیقت پسندی کی سوچ کے ساتھ ، دستاویز کی مدد سے اور موثر و پائیدار نتائج کے لیے آگے بڑھا جائے۔
