واشنگٹن (رپورٹنگ آن لائن)امریکا میں ملکی تاریخ کے طویل ترین شٹ ڈان کے نتیجے میں ایک ہزار سے زائد پروازیں منسوخ کردی گئی ہیں۔
امریکی خبرایجنسی کے مطابق فیڈرل ایوی ایشن کے احکامات کے تحت امریکا کے مصروف ترین ایئر پورٹس پر آئندہ ہفتے مزید پروازیں منسوخ کی جائیں گی۔ شٹ ڈائون کے باعث فضائی اڈوں پر ایئر ٹریفک کنٹرول عملے کی کمی سے مشکلات کا سامنا ہے۔تقریبا ایک ماہ سے ملازمین کو تنخواہیں نہیں ادا کی گئی ہیں۔
امریکا کے 40 ایئرپورٹس بشمول اٹلاناٹا، ڈیلاس، ڈینور اور شمالی کیرولینا میں شارلٹ ایئر پورٹ پر مسافروں کا رش لگا ہوا تھا جبکہ کئی ایئر لائنز نے فلائٹ چلنے کے وقت سے کچھ دیر پہلے پروازیں منسوخ کیں تھیں۔تاہم ٹرمپ حکومت کی جانب سے لگائے گئے شٹ ڈائون سے غیرملکی پروازیں متاثر نہیں ہوں گی جبکہ ملک کے بڑے ایئرپورٹس پر پروازوں کی تعداد میں 10 فیصد کمی آئی ہے۔
امریکی خبرایجنسی کا کہنا تھا کہ اگر شٹ ڈائون برقرار رہا اور تنخواہیں نہ ملنے پر مزید ایئر کنٹرول عملہ کام پر نہ آ سکا تو پروازوں کی تعداد مزید 15 سے 20 فیصد کم کردی جائے گی۔ٹرمپ انتظامیہ کی جانب سے ڈیموکریٹس پر دبا ڈالا جا رہا ہے کہ وہ فنڈنگ بل پر تنازع کو ختم کریں جبکہ ڈیموکریٹس ہیلتھ کیئر پر سبسیڈیز کے حوالے سے ریپبلکنز بات کرنے کو تیار نہیں ہیں۔
یکم اکتوبر سے شروع ہونے والے اس شٹ ڈائون کے باعث کم آمدنی والے امریکیوں کو امدادی خوراک ملنے میں بھی مسائل کا سامنا ہے۔
