ابوظہبی(رپورٹنگ آن لائن)اماراتی فضائی کمپنی نے کورونا وائرس کے دوران مزید 9 ہزار ملازمین کو رخصت کرنے کا عندیہ دے دیا۔غر ملکی میڈیا رپورٹ کے مطابق اماراتی فضائی کمپنی نے کورونا وائرس کے دوران مزید 9 ہزار ملازمین کو رخصت کرنے کا عندیہ دے دیاہے،
9 ہزار ملازمین کو رخصت کرنے کا مطلب ہوا کہ فضائی کمپنی مجموعی طور پر 15 فیصد ملازمین کو برطرف کردیگی۔حال ہی میں اماراتی فضائی کمپنی نے 157 شہروں میں سے 58 شہروں کیلئے محدود پیمانے پر فلائٹ آپریشن شروع کیا ہے۔
اس ضمن میں فضائی کمپنی کے صدر ٹم کلارک نے کہا کہ اس سے قبل کمپنی کو محدود پیمانے پر فعال ہونے میں 4 برس لگ گئے تھے۔کلارک نے ایک انٹرویو میں کہاکہ ایئر لائن نے اپنے عملے کا دسواں حصہ پہلے ہی رخصت پر بھیج دیا تھا اور اب مزید کچھ لوگوں کو فارغ کرنا پڑے گا جو تقریباً 15 فیصد تک ہوسکتا ہے۔کمپنی کے ترجمان نے بتایا کہ ایئر لائن کے پاس اس رپورٹ میں اضافہ کرنے کے لیے کچھ نہیں ہے۔
انٹرنیشنل ایئر ٹرانسپورٹ ایسوسی ایشن (آئی اے ٹی اے) نے کہا ہے کہ وبائی امراض کے نتیجے میں ایئر لائنز کو سالانہ 84 ارب ڈالر کا نقصان پہنچا ہے جو اس صنعت کی تاریخ کا سب سے بڑا خطرہ ہے۔انہوں نے کہا کہ اماراتی فضائی کمپنی اس طرح متاثر نہیں ہوئی جس طرح دیگر فضائی کمپنیاں ہوئی ہیں لیکن یہ بحران ہمارے بہترین سالوں کی طرف بڑھ رہا ہے۔
