نیویارک (رپورٹنگ آن لائن) اقوام متحدہ کی سیکیورٹی کونسل کی ستائیسویں رپورٹ میں اہم انکشافات ہوئے ہیں ،اقوام متحدہ کی رپورٹ میں دہشت گردوں کے خلاف پاکستان کی کارروائیوں کا اعتراف کیا گیا ہے ، رپورٹ کے مطابق تحریک طالبان پاکستان گذشتہ 3 ماہ میں 100 “سرحد پار” حملوں کی ذمہ دار تھی، پاکستان نے ٹی ٹی پی کی طرف سے دہشت گردی کے خطرے کو مستقل طور پر اجاگر کیا،
یو این مانیٹرنگ رپورٹ میں پاکستان میں دہشت گردوں کے مالی سہولت کاروں کی گرفتاری اور اداروں کے اثاثے منجمد کرنے کی نشاندہی کی گئی، رپورٹ کے مطابق پانچ گروپوں شہریار محسود ، جماعت الاحرار ، حزب الاحرار ، امجد فاروقی گروپ اور عثمان سیف اللہ گروپ نے ٹی ٹی پی سے اتحاد کا اعلان کیا ،
ٹی ٹی پی انضمام سے پاکستان اور خطے کے لئے دہشت گردی کے خطرے میں اضافہ ہوا ، گروپ بندی نے “ٹی ٹی پی کی طاقت میں اضافہ کیا حملوں میں تیزی آئی،”جولائی اور اکتوبر 2020 کے درمیان سرحد پار سے 100 سے زیادہ حملوں کے لئے ٹی ٹی پی ذمہ دار تھی، ٹی ٹی پی کی لڑائی کی قوت 2500 سے 6000 کے درمیان ہے۔
رپورٹ کے مطابق امریکہ نے افغانستان میں مقیم ٹی ٹی پی ، جے یو اے کے دہشت گردوں کو پاکستان کے لئے خطرہ تسلیم کیا،دہشت گرد تنظیموں کے بھارتی حمایت پر ڈی جی آئی ایس پی آر نے ڈوزیئر پیش کیا، پاکستان نے ٹی ٹی پی اور جے یو اے کو بھارتی فنڈنگ پر اقوام متحدہ کو ڈوزیئر بھیجا۔
