علی امین خان گنڈاپور

اقوام متحدہ کشمیریوں کے حق خودارادیت کے لیے پاس کی گئی قراردادوں پر عملدرآمد کرائے،علی امین خان گنڈاپور

اسلام آ باد (رپورٹنگ آن لائن ) وفاقی وزیر امور کشمیر و گلگت بلتستان علی امین خان گنڈاپور نے کہا ہے کہ اقوام متحدہ کشمیریوں کے حق خودارادیت کے لیے پاس کی گئی قراردادوں پر عملدرآمد کرائے، حق خودارادیت کے لیے ہزاروں کشمیری اپنی جانوں کی قربانیاں پیش کر چکے ہیں، بھارت خود مسئلہ کشمیر کو اقوامِ متحدہ کے فورم پر لے کر گیا تھا، بھارت مقبوضہ کشمیر میں اقوام متحدہ کی قراردادوں کی دھجیاں اڑا رہا ہے۔

وفاقی وزیر امور کشمیر و گلگت بلتستان علی امین خان گنڈاپور نے یوم حق خود ارادیت کشمیر کے حوالے سے اپنے پیغام میں کہا کہبھارت میں نام نہادجمہوریت اور سیکولرزم دفن ہو چکی ہے، اگست2019 کے بھارتی اقدامات کا مقصد مقبوضہ کشمیر کی ڈیموگرافی تبدیل کرنا ہے، پوری دنیا بھارت کو مذہبی آزادی اور انسانی حقوق کے حوالے سے بدترین ملک قرار دے رہی ہے، گزشتہ سال بھارت نے ایل او سی پر سینکڑوں شہریوں کو شہید کیا اور اقوام متحدہ کے مبصرین کو نشانہ بنایا، پاکستان میں دہشت گردی کے قابلِ مزمت کاروائیوں کے پیچھے بھارت کا ہاتھ ہے، دہشت گرد تنظیموں سے بھارتی گٹھ جوڑ سے متعلق ثبوت پاکستان نے اقوام متحدہ کے حوالے کیے ہیں،

وزیراعظم عمران خان نے مسئلہ کشمیر کو د±نیا کے ہر فورم پر اٹھانے کے لیے عملی اقدامات اٹھائے، یورپی یونین اور برطانوی پارلیمنٹ سمیت دنیا بھر میں کشمیریوں کے حقوق کےلئے آوازیں بلند ہو رہی ہیں، علی امین گنڈاپور نے کہا اقوام متحدہ ہندو انتہا پسند اقدامات کی روک تھام کے لیے بھارت کے خلاف فوری کارروائی کرے، حق خودارادیت کی قراردادوں پر عملدرآمد خطے میں امن و سلامتی کیلئے ضروری ہے۔