اسلام آباد (رپورٹنگ آن لائن)صدرِ مملکت آصف علی زرداری نے شمالی وزیرستان میں فتنہ الخوارج کے خلاف کامیاب کارروائی پر سکیورٹی فورسز کو خراجِ تحسین پیش کیا ہے۔
جمعرات کو ایوانِ صدر کے پریس وِنگ کے مطابق صدر مملکت نے دہشت گردوں کے خلاف مؤثر اور بروقت کارروائی میں 8 خوارج کو ہلاک کرنے پر سکیورٹی فورسز کی پیشہ ورانہ مہارت کو سراہا۔
انہوں نے کہا کہ وطن کے دفاع اور سرحدوں کے تحفظ کیلئے سکیورٹی فورسز کا کردار قابلِ فخر ہے۔ صدر مملکت نے افغان عبوری حکومت پر زور دیا کہ وہ اپنی سرزمین پاکستان کے خلاف دہشت گردی کیلئے استعمال ہونے سے روکے۔
