اسلام آ باد (رپورٹنگ آن لائن ) وزیراعلی سندھ مراد علی شاہ نے کہا کہ افغانستان کی موجودہ صورتحال کے بعد محرم الحرام میں تھریڈز ہیں۔ تفصیلات کے مطابق وزیراعلی سندھ مراد علی شاہ نے میڈیا سے گفتگو کرتے ہوئے کہا کہ ہم نے تھریڈز سے نپٹنے کے لیے ہر ممکن اقدامات کیے ہیں۔
انہوں نے کہا کہ لوگوں کو عاشورہ کے موقع پر تھوڑی تکلیف ہوتی ہے تو وہ حکومت سے تعاون کریں ، مونچھ گوٹھ غیر متوقع بزدلانہ واقعہ ہے بچے اور خواتین شہید ہوئی ہیں ، ابھی تک اس واقعے کی کسی نے بھی ذمہ داری قبول نہیں کی۔ مراد علی شاہ نے کہا کہ اللہ تعالی ان دہشت گردوں کو جہنم رسید کرے ، حکومت اپنی پوری کوشش کرے گی کہ عاشورہ اور اس کے بعد ایسا واقعہ نہ ہو اور ہم پوری طرح سے اقدامات کریں گے۔
وزیراعلی سندھ مراد علی شاہ نے کہا کہ ہمارا نصاب بہت بہتر ہے اور ہمارا نصاب پہلے سے موجود ہے ، ہر علاقے کی اپنی ڈائنامکس ہوتی ہے کچھ چیزیں یکساں ہو سکتی ہیں ، وفاقی حکومت نے تو یکساں نصاب کا اعلان کیا ہے ، ہم کوشش کریں گے کہ اپنے تجربے کی بنیاد پر بچوں کو بہتر سے بہتر نصاب کی تعلیم دیں۔
