کراچی(رپورٹنگ آن لائن)17 مارچ 2020ء کو اسٹیٹ بینک نے اسپتالوں اور شعبہ صحت کو خدمات کی فراہمی میں مدد دینے کے لیے ’ری فنانس فیسلٹی ٹو کمباٹ کووڈ 19‘ (RFCC)کینام سے ایک ری فنانس اسکیم متعارف کرائی۔
اس اسکیم کے تحت بینک کووڈ 19 سے براہ راست مقابلے میں شعبہ صحت کی استعداد کاری بڑھانے اور اس کی معاونت کی خاطر اسپتالوں اور طبی مراکز کو طبی آلات کی خریداری اور آئسولیشن وارڈز کے قیام کے لیے 5سال کی مدت کے لیے 3 فیصد کی صارف شرح پر رعایتی قرضے مہیا کررہے ہیں۔
ہفتے کو تفصیلا ت کے مطابق اسکیم کے آغاز سے 2 جولائی 2020ء تک اسپتالوں اور دیگر اہل اداروں کو کووڈ 19 سے مقابلے میں مدد دینے کے لیے 6.4 ارب روپے کے رعایتی قرضوں کی منظوری دی جاچکی ہے۔حوصلہ افزا ردعمل اور ملک میں صحت کی سہولتوں کی تیاری میں مدد کے امکانات کے پیش نظر اسٹیٹ بینک نے اب اس ری فنانس سہولت کے دائرہ کار میں مزید توسیع کردی ہے۔
اب اس اسکیم کے تحت حفاظتی لباس اور سازوسامان بشمول ماسک ، لباس ، ٹیسٹنگ کٹس ، اسپتال کے بستر ، وینٹی لیٹروں وغیرہ کے تیار کنندگان کو آر ایف سی سی کے تحت مالی اعانت حاصل کرنے کی اجازت دے جارہی ہے۔ مزید برآں ، ملک میں صحت کی عمومی سہولتوں کی بڑھتی ہوئی ضروریات سے نمٹنے کے لیے اسٹیٹ بینک نے کووڈ 19 کے علاوہ دیگر امراض کیمریضوں کو خدمات فراہم کرنے والے اسپتالوں کو بھی اس سہولت سے استفادے کی اجازت دی ہے۔
کم سے کم مقررہ معیارات کو پورا کرنے والے اسپتالوں کے قیام یا موجودہ اسپتالوں میں توسیع کے لیے یہ ری فنانس سہولت دستیاب ہوگی۔ اس اسکیم کے تحت نئے اسپتالوں کے قیام کے لیے متعلقہ سنگ میل عبور کرنے پر بینکوں کی جانب سے رقوم جاری کی جائیں گی۔
تفصیلات اس ویب لنک پر دستیاب سرکلر میں دی گئی ہیں: http://www.sbp. o
