اسلام آباد (رپورٹنگ آن لائن) اسلام آباد ہائیکورٹ نے سال نو کی آمد پر آتشبازی روکنے کی درخواست خارج کر دی ، چیف جسٹس اطہر من اللہ نے ریمارکس دیے ہیں کہ ابھی سعودی عرب میں بھی آتش بازی ہوئی ہے ، نئے سال کی خوشی میں آتش بازی ساری دنیا میں ہوتی ہے ، عوام کو انجوائے کرنے دیں۔اسلام آباد ہائیکور ٹ میں شہری کی جانب سے ڈپٹی کمشنر کے آج رات 12 بجے کیلئے این ا وسی واپس لینے کی درخواست پر سماعت ہوئی ، عدالت نے آتش بازی روکنے کی درخواست ناقابل سماعت قرار دے کر خارج کردی۔
چیف جسٹس اطہر من اللہ نے ریمارکس دیے کہ ابھی سعودی عرب میں بھی آتش بازی ہوئی ہے ، نئے سال کی خوشی میں آتش بازی ساری دنیا میں ہوتی ہے ، عوام کو انجوائے کرنے دیں۔واضح رہے کہ آج سال 2021 کا آخری دن ہے ، آج رات 12 بجے سال 2022 شروع ہو جائے گا جس کو خوش آمدید کہنے کیلئے عوام رات بھر جاگتے ہیں اور آتشبازی سمیت مختلف طریقوں سے جشن مناتے ہیں۔
اس موقع پر عوام کا جم غفیر سڑکوں پر نکلتا ہے اور جشن مناتا ہے۔ دوسری جانب ہر سال کی طرح ملک بھر میں پولیس ہلڑ بازی ، ہوائی فائرنگ سمیت دیگر غیر اخلاقی اور غیر قانونی حرکات سے نمٹنے کیلئے پوری طرح تیار ہے۔
