دمشق(رپورٹنگ آن لائن)اسرائیلی ذرائع نے بتایا ہے کہ اسرائیلی اسپیشل فورسز نے دو روز قبل شام میں ایک فضائی حملہ کیا۔ اس دوران اسرائیلی فوج کے کمانڈوز ہیلی کاپٹر کی مدد سے ایرانی پاسداران انقلاب کے ایک کمپانڈ کے پاس اتری اور انہوں نے آپریشن کے دوران حساس معلومات پر مشتمل فائلیں اور دستاویزات قبضے میں لے لیں۔
اس کے بعد ایرانی پاسداران انقلاب کے اس ریسرچ سینٹر کو تباہ کردیا اور وہاں سے کم سے کم تین یا چار ایرانیوں کو زندہ پکڑنے کے بعد اسرائیل منتقل کردیا گیا ہے۔
اسرائیلی میڈیاکے مطابق حما کے نواحی علاقے المصیاف میں ایران کے ہائی ٹیک فوجی موجود تھے۔ ان کی گرفتاری اور وہاں سے ملنے والی معلومات انتہائی اہمیت کی حامل ہوسکتی ہیں۔دریں اثنا شام کے عسکری تجزیہ کار اسد عوض الزوعبی نے بتایا کہ اسرائیل نے شام میں ایک چھاپے کے دوران تین ایرانیوں کو گرفتار کیا ہے۔
٭٭٭
