اسلام آباد (رپورٹنگ آن لائن ) وفاقی وزیر اسد عمر نے برطانیہ کی جانب سے پاکستان پر عائد سفری پابندیوں پر سوال اٹھاتے ہوئے کہا کہ برطانوی حکومت نے ریڈ لسٹ میں شامل ممالک کا چناو سائنسی بنیاد پر کیا یا اس کی وجہ خارجہ پالیسی ہے؟
سماجی رابطوں کی ویب سائٹ ٹویٹر پر اپنے ایک ٹویٹ میں اسد عمر کا کہنا تھا کہ ہر ملک کو اپنے شہریوں کی صحت کی حفاظت سے متعلق فیصلہ کرنے کا حق ہے، تاہم برطانوی حکومت کی جانب سے کورونا صورتحال کو جواز بنا کر پاکستان سمیت چند دیگر ممالک کو ریڈ لسٹ میں شامل کرنے کے عمل نے جائز سوالات اٹھا دیئے ہیں۔
وفاقی وزیر نے کہا کہ برطانوی حکومت کی ریڈ لسٹ میں شامل کرنے کے لئے پاکستان و چند دیگر ممالک کا چناو سائنسی بنیاد پر تھا یا اس کی وجہ خارجہ پالیسی تھی
