اسلام آباد(رپورٹنگ آن لائن)مشیر داخلہ شہزاد اکبر نے کہا ہے کہ احسن اقبال نے اینٹی منی لانڈرنگ ایکٹ میں ترمیم پر قوم کو گمراہ کیا ۔ احسن اقبال جھوٹ بول رہے ہیں ان کو ترمیم سے متعلق پتہ نہیں ۔
اپنے ویڈیو بیان میں انہوں نے کہاکہ اینٹی منی لانڈرنگ ایکٹ میں ترامیم فیٹف سفارشات کے مطابق ہیں۔ قوانین میں اینٹی منی لانڈرنگ سے متعلق خامیاں دور کی جارہی ہیں ۔ منی لانڈرنگ کی سزا 5 سے بڑھا کر 10 سال کی جارہی ہے۔
منی لانڈرنگ پر جرمانے میں اضافہ کیا جارہا ہے۔ نیب کی جانب سے منی لانڈرنگ کی تفتیش پر اپوزیشن کو اعتراض ہے ۔ ن لیگ چاہتی ہے اینٹی منی لانڈرنگ سے نیب کو نکال دیا جائے یہ ہے وہ این آراو جو مانگ رہے ہیں جو کسی صورت نہیں ملے گا۔
