اوکاڑہ ( شیر محمد)تفصیلات کے مطابق وزیر اعلیٰ پنجاب مریم نواز شریف دیپالپور سیلاب متاثرین کے درمیان پہنچ گئیں سیلاب متاثرہ فرد کو 50ہزار کیش اور اے ٹی ایم کارڈ مل گئے .
تحصیل دیپالپور میں500 سیلاب متاثرین کو ایک ہی دن میں9 کروڑ 60 لاکھ روپے جاری کیئے گئے، وزیراعلی مریم نواز شریف نے سیلاب متاثرین کو فرنٹ پر بٹھانے کا حکم دیا اور انہی کے درمیان بیٹھ گئیں ،وزیراعلی مریم نواز شریف سیلاب متاثرین میں گھل مل گئیں .
“شکریہ مریم نواز “پیسے ملنے پر سیلاب متاثرہ خواتین کا اظہار تشکر،وزیراعلی مریم نواز شریف کی متاثرین کو جلد از جلد گھر کی تعمیر کی تلقین کی گئی،وزیراعلی مریم نواز شریف نے سیلاب متاثرین سے نقصان اور سروے کے بارے میں دریافت کیا .
وزیراعلی مریم نواز شریف بزرگ خاتون نور بیگم اور زینب بی بی کا ہاتھ پکڑ کر خود کاؤنٹر پر لے گئیں، وزیراعلی مریم نواز شریف نے پراسس مکمل کرایا ، بائیو میٹرک کے بعد 50 ہزار اور اے ٹی ایم کارڈ دئیے ،پنجاب بنک کے فلڈ ڈسپرسمنٹ کیمپ سائٹ میں سیلاب متاثرین کی آو بھگت ، لنچ ، کولڈ ڈرنک ،سنکیس اور جوسز سے تواضع کی گئی.
وزیراعلی مریم نواز شریف کو اوکاڑہ میں سیلاب متاثرین کے بارے میں بریفننگ دی گئی،صوبہ بھر میں 73 فی صد سروے مکمل ہو گیا ہے اور چند ہفتے میں تکمیل کا عندیہ دیا گیا، کارڈ سے پنجاب بنک کی اے ٹی ایم مشین سے 24 گھنٹے میں لاکھ لاکھ روپے کرکے تین لاکھ نکالے جا سکتے ہیں.
پنجاب بنک کے علاؤہ دیگر بنک کی اے ٹی ایم مشین سے روزانہ ایک لاکھ روپے ڈرا کئے جاسکتے ہیں، اوکاڑہ میں سیلاب سے 147 موضع اور 17313 افراد متاثر ہوئے،دریا ستلج اور راوی میں طغیانی سے 691 پختہ گھر مکمل اور 365 جزوی طور پر تباہ ہوئے،ضلع اوکاڑہ میں سیلاب سے 919 کچے مکان مکمل اور 655 جزوی طور پر تباہ ہوگئے
ضلع اوکاڑہ میں سیلاب سے 80592 ایکڑ اراضی متاثر اور دو مویشی ہلاک ہوگئے .
تحصیل اوکاڑہ کے 45 ، دیپالپور کے 94 اور رینالہ خورد کے 8 موضع میں سیلاب متاثرین کا سروے مکمل ہو چکا ہے.سیلاب سے متاثرہ 27 اضلاع میں 72 تحصیلوں کے متاثرہ 4754 مواضعات میں سے 3474 مواضعات کا سروے مکمل ہو چکے ہیں.
پنجاب بھر میں جاری 446697 سروے انٹریز مکمل ہو گئے ہیں. مجموعی طور پر 1217347 ایکڑ اراضی اور 131309 مکان متاثر ہوئے اور صوبہ بھر میں 5805 بڑے مویشی، 2097 بھیڑ بکریاں ہلاک ہوئیں .ڈپٹی کمشنرز نے 231791, نادرہ ، پی ایل آر اے اور لائیو سٹاک نے 103716 انٹریز کی کاؤنٹر چیکنگ اور تصدیق کی
71033 سیلاب متاثرین کے پنجاب بنک میں اکاؤنٹ اوپن ہوگئے.
